Azərbaycan Respublikasının hazırkı İnsan Hüquqları üzrə Müvəkkili (Ombudsman) Səbinə Əliyeva 2025-ci il üzrə illik məruzəsini Milli Məclisin bu gün kçirilən iclasında təqdim edib.
Hata.az-ın xəbərinə görə, Ombusdman çıxışda bildirib ki, 2025-ci ilin “Konstitusiya və Suverenlik İli” elan olunması hüquqi dövlət quruculuğunun möhkəmləndirilməsi və suverenlik dəyərlərinin təşviqi baxımından mühüm əhəmiyyət daşıyıb.
İşğaldan azad edilmiş ərazilərdə həyata keçirilən bərpa-quruculuq işləri, o cümlədən İlham Əliyev tərəfindən təsdiq edilən Böyük Qayıdışa dair I Dövlət Proqramı çərçivəsində görülən tədbirlərə diqqət çəkən Ombudsman keçmiş məcburi köçkünlərin təhlükəsiz və ləyaqətli qayıdışına toxunub. O, qeyd edib ki, tarixi və dini abidələrin bərpası isə I vitse-prezident Mehriban Əliyevanın təşəbbüsü ilə davam etdirilir.
