Ağ Ev ABŞ Prezidenti Donald Trampın boynunun sağ tərəfində müşahidə olunan qızartının onun istifadə etdiyi dəri kremi ilə əlaqədar olduğunu açıqlayıb.
KONKRET.az xəbər verir ki, bu barədə Trampın şəxsi həkimi, Ağ Evin həkimi doktor Şon Barbabella məlumat verib.
“Prezident Tramp boynunun sağ tərəfində çox geniş yayılmış, profilaktik məqsədli dəri kremindən istifadə edir. Bu vasitə Ağ Evin həkimi tərəfindən təyin olunub. Prezident bu müalicəni bir həftədir tətbiq edir və qızartının bir neçə həftə davam edəcəyi gözlənilir”, – deyə həkim bildirib.
Natiq Səlim
KONKRET.az
