ain.az, Bizimyol saytından verilən məlumata əsaslanaraq xəbər yayır.
Pentaqon katibi Pete Heqset, İranın Ali Lideri Ayətullah Əli Xameneinin öldürülməsinə görə İsraili təriflədi.
Bizimyol.info xəbər verir ki, keçirdiyi brifinqdə o, İsrail Müdafiə Qüvvələrinin əməliyyatı əla idarə etdiyini bildirdi.
"İnanıram ki, İsrail bu əməliyyatı həyata keçirməkdə əla iş gördü", - deyə Heqset bildirib.
Nazir həmçinin amerikalılara qarşı hər hansı bir təhdidin tərəddüd etmədən təqib ediləcəyini və məsul şəxslərin aradan qaldırılacağını təkrarlayıb.
"Bu müharibəni biz başlatmadıq, amma Prezident Trampın rəhbərliyi altında biz ona son qoyuruq", - deyə bilsdirib.
O, həmçinin əlavə edib ki, Tehran nüvə ambisiyalarını dəstəkləmək üçün "ənənəvi qalxan" yaratmaq üçün güclü raketlər və dronlar hazırlayır. "Təkrar edirəm: nüvə şantajı üçün ənənəvi qalxan", - deyə o vurğulayıb.
Heqset əlavə edib ki, İran rejimi daim "Amerikaya ölüm" və "İsrailə ölüm" şüarları səsləndirir, lakin nəticədə "Amerikadan və İsraildən ölüm" aldı.
“Bu gün, çarəsiz vəziyyətdə düşmən ifşa olunub. İran raketləri və dronları qonşu ölkələrdəki otellərə, hava limanlarına, yaşayış binalarına və digər mülki hədəflərə fərq qoymadan yağış yağdırır. Bu, on illərdir bu cür metodlara əl atan bir rejimin qorxaq terror taktikasıdır”, - deyə o vurğulayıb.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
