Rusların böyük əksəriyyəti Mixail Qorbaçova mənfi münasibət bəsləyir və SSRİ-nin dağılmasında və sonrakı faciəvi hadisələrdə onun günahkar olduğuna inanır.
Publika.az xəbər verir ki, bu, “Lenta.ru”nun 50.000-dən çox oxucu arasında keçirdiyi sorğuya əsasəndir.
Səs verən oxucuların 88 faizi Sovet İttifaqının yeganə prezidentinin rolunu mənfi qiymətləndirib. Onlar hesab edirlər ki, o, SSRİ-nin dağılmasında və 1990-cı illər böhranının başlamasında məsuliyyət daşıyır. Sorğuda iştirak edənlərin yalnız 12 faizi Qorbaçovu Rusiya tarixində ölkəyə aşkarlıq gətirən və mühüm islahatlara başlayan müsbət bir şəxs hesab edir.
