ain.az, Qaynarinfo saytına istinadən bildirir.
ABŞ-ın "Paramount” şirkəti "Warner Bros. Discovery"ni alma yarışında qalib gəlib. Əvvəlcə "Netflix" bu mübarizədən imtina edərək, "Paramount Skydance”in milyardlıq sazişi qazanmasına yol açıb.
Qaynarinfo xəbər verir ki, bu barədə "Bloomberg" yazıb.
Bir neçə aylıq mübarizədən sonra "Netflix" rəsmi olaraq təklif prosesindən çıxıb və təklifini artırmamağa qərar verib. Çünki "Paramount”un təklif etdiyi məbləğ – təxminən 111 milyard dollar və ya hər səhm üçün 31 dollar – "Warner Bros." səhmdarları üçün maliyyə baxımından daha cəlbedici olub. İndi bu sazişin tənzimləyici orqanlar tərəfindən təsdiqlənməsi tələb olunur.
Hesabatlara görə, "Paramount” "Warner Bros."u, o cümlədən studiya, televiziya və streaming aktivlərini almağı tamamlayacaq. Bu, son illərin Hollivuddakı ən böyük və ən çox müzakirə olunan sazişlərindən birini yekunlaşdırır və media sənayesinin strukturunu köklü şəkildə dəyişə bilər.
Əgər saziş başa çatsa, "Paramount”un nəzarətinə böyük franşizalar və layihələr keçəcək, o cümlədən "Harri Potter”, "Üzüklərin hökmüdarı”, "Dostlar”, "Taxt oyunları” və "Böyük partlayış nəzəriyyəsi”.
Həmçinin şirkətə məşhur "Mortal Kombat" oyun franşizası üzərində hüquqlar da məxsusdur.
Qeyd olunur ki, birləşmə çərçivəsində xüsusi diqqət CNN telekanalının taleyinə yönəlib. Əvvəlki "Netflix" razılaşması kanalı müstəqil struktur kimi ayırmağı nəzərdə tuturdusa, "Paramount Skydance” ilə saziş alıcıya media nəhəngi üzərində tam nəzarət imkanı verəcək.
"Paramount”un baş direktoru Devid Ellison əvvəlcə Donald Trampla CNN-in redaksiya siyasətində "radikal dəyişikliklər” vəd etmişdi ki, bu da sazişin dəstəklənməsi üçün nəzərdə tutulmuşdu.
Aydın
Sonrakı hadisələr barədə daha çox məlumat almaq üçün ain.az saytını izləyin.
