Vaşinqton respublika ərazisinə endirilən zərbələr zamanı İran rəhbərliyini "neytrallaşdırmağa" nail olub.
Publika.az xəbər verir ki, bu barədə ABŞ Prezidenti Donald Tramp "ABC News" telekanalına müsahibəsində bildirib.
"Onların bir çoxu neytrallaşdırılıb, bəli. Hamısı barədə yox, amma çoxu haqqında məlumatımız var", - deyə Amerika lideri qeyd edib.
Tramp əlavə edib ki, Vaşinqtonun artıq İranın növbəti rəhbəri barədə çox yaxşı təsəvvürü var.
Fevralın 28-i səhər saatlarında ABŞ İsrail ilə birlikdə İrana qarşı hərbi əməliyyata başlayıb. Pentaqon bu əməliyyata "Epik Qəzəb" adını verib. İslam Respublikasının bir çox şəhərləri hücuma məruz qalıb, mülki əhali arasında itkilər var. Cavab olaraq İran İsraili və ABŞ-ın Yaxın Şərqdəki hərbi bazalarını raket atəşinə tutur.
