ABŞ və İsrailin İrana qarşı hərbi təcavüzünün ardınca İslam Respublikasının xarici işlər naziri Abbas Əraqçi Səudiyyə Ərəbistanı, Birləşmiş Ərəb Əmirlikləri, Qətər, Küveyt, Bəhreyn və İraqdan olan həmkarları ilə telefon danışıqları aparıb.
"Report" xəbər verir ki, bu barədə İranın Xarici İşlər Nazirliyi (XİN) məlumat yayıb.
Bildirilib ki, söhbət zamanı Əraqçi həmkarlarını son hadisələr barədə məlumatlandırıb və hərbi təcavüzün BMT Nizamnaməsinin əsas prinsiplərini kobud şəkildə pozduğunu bildirib. İrana hücum beynəlxalq sülh və təhlükəsizliyə qarşı açıq cinayət kimi xarakterizə edilib.
O vurğulayıb ki, İran suverenliyi və ərazi bütövlüyünü qorumaq üçün bütün müdafiə və hərbi imkanlarından istifadə edəcək.
Iran Foreign Minister Holds Phone Calls with Regional Counterparts
— Foreign Ministry, Islamic Republic of Iran (@IRIMFA_EN) February 28, 2026
Following the military aggression by the United States and the Zionist regime against Iran, Seyed Abbas Araghchi, Minister of Foreign Affairs of the Islamic Republic of #Iran, held telephone conversations with… pic.twitter.com/SuHtwTe6ZZ
