ain.az, Axsham.az portalına istinadən məlumat yayır.
Axşam.az İftar menyusunu təqdim edir:
Pendirli əriştə şorbası
Ərzaqlar:
Süd - 2,5 st.
Yumurta - 3 ədəd
Duru pendir - 3 st.
Kərə yağı - 1 x/q.
Ət bulyonu
Duz zövqə görə
Un apardığı qədər
Soğan - 1 ədəd
Hazırlanması:
Süd, yumurta, 2 stəkan pendir və undan ibarət xəmir yoğur. Xəmirləri əriştə formasında doğra. Kənarda soğanı xırda doğrayıb, yağda qızart. Üzərinə ət suyunu və duzu əlavə edib, qaynayana qədər vam odda saxla. Sonra qarışdıra-qarışdıra əriştələri əlavə et. Sonda qalan pendiri əlavə edib, qarışdır və bir dəfə qaynadıb süfrəyə ver.
Beyti kabab
Ərzaqlar:
2 ədəd lavaş
Küftə üçün:
400 qram qiymə ət
1 soğan
1 diş sarımsaq
1 yumurta
1/2 çay stəkansuxarını unu
1/2 çay qaşığı qara bibər
1/2 çay qaşığı duz
1/2 çay qaşığı qırmızı bibəri
Sous üçün:
2 qaşıq kərə yağı
1 xörək qaşığı tomat pastası
1 stəkan rəndələnmiş pomidor
1 çimdik duz
1 çimdik qara bibər
Xəmirin üzərinə yaymaq üçün:
3 xörək qaşığı kərə yağı
Hazırlanması:
Soğan, yumurta və sarımsağı blenderdə əzin. Qiymə, suxarı, qara bibər, qırmızı bibəri, duz və blenderdə əzdiyiniz ərzaqları birlikdə qarışdırın. Sobaya qoyacağınız tavaya yağlı kağız sərin. Küftələri uzun və yastı formalarda düzəldin və qaba qoyun. Küftələrin qalın olmadığından əmin olun. Küftələri əvvəlcədən isidilmiş sobada 190 dərəcədə bişirin. Küftələr bişəndə xəmirin yarısını piştaxtaya yayın və üzərinə ərinmiş kərə yağı çəkin. Bişmiş küftələri xəmirin üzərinə boşluq qoymadan düzün. Sonra rulon halına salın. Rulonu əyri şəkildə kəsin. Xəmirin üzərinə kərə yağı sürtüb yenidən sobaya qoyun. Bu arada beytinin sousunu hazirlamağa başlayın. Kərə yağı tavada əridin, rəndələnmiş pomidorları əlavə edin və bir neçə dəqiqə qaynadın. Qara istiot və duz əlavə etdikdən sonra ocaqdan çıxarın. Qızardılmış beytini sobadan çıxarıb üzərinə sousu töküb qatıqla süfrəyə verin.
Sultan ruleti
Ərzaqlar:
1 stəkan toz şəkər
1.5 stəkan un
3 xörək qaşığı kakao
1 litr süd
1 xörək qaşığı kərə yağı
1 paket vanil tozu
1.5 stəkan hind qozu
2 paket qaymaq
Hazırlanması:
Un, şəkər tozu və kakaonu bir qazanda qarışdırın. Südü yavaş-yavaş əlavə edin, daim qarışdırın və orta istilikdə bişirin. Qatılaşmağa və köpüklənməyə başlayanda kərə yağı əlavə edin və yenidən qarışdırın. Qatılaşmış və bişmiş məhlulu oddan götürməzdən əvvəl vanil əlavə edin, qarışdırın və oddan götürün. Kokosu soba qabına yayın. Xəmiri kokosun üzərinə yayın. Soyuducuda bir gün saxlayın. Bir gündən sonra kremi 8 bərabər düzbucaqlıya bölün və bütün səthə qaymaq sürtün. Parçaları rulet kimi bükün.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
