Gununsesi portalından əldə olunan məlumata əsasən, ain.az xəbər verir.
“Factor” 2025-ci il üçün Ermənistan hökumətinin proqramının icrası haqqında hesabatında bildirilib ki, Rusiya sərhədçiləri Ermənistan-Türkiyə sərhədindəki bütün sərhəd-keçid məntəqələrindən çıxarılıb.
Bildirilib ki, indi orada Ermənistanın Milli Təhlükəsizlik Xidmətinin Sərhəd Qoşunları xidmət aparır.
Gununsesi.info bildirir ki, məsələyə münasibət bildirən professor Qulu Məhərrəmli qeyd edib ki, Rusiya hərbçilərinin Ermənistan-Türkiyə sərhədindəki bütün buraxılış məntəqələrindən çıxarılması yaxşı xəbərdir.
“Lakin Moskvanın Paşinyan hakimiyyətinə qarşı güclü təbliğat kampaniyasına başlaması narahatlıq doğurur”.
O qeyd edib ki, Nikol Paşinyan seçkilər ərəfəsində Rusiyanın manipulyativ təbliğatının qarşısını almaq üçün Avropa İttifaqından kömək istəyib.
“Hazırda Aİ ilə İrəvan arasında “mobil informasiya qrupları” göndərmək barədə danışıqlar aparılır.
Məncə, Rusiyanın yalan və dezinformasiya atəşinə tutduğu qonşularının hamısına, o cümlədən bizə də belə qruplar lazımdır”,-deyə o əlavə edib.
Şəbnəm
Gununsesi.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
