2026-cı ilin əvvəlindən etibarən Ermənistan–Türkiyə dövlət sərhədində yerləşən “Axurik” sərhəd-keçid məntəqəsində xidməti yalnız Ermənistan Milli Təhlükəsizlik Xidmətinin Sərhəd Qoşunlarının hərbçiləri həyata keçirir.
KONKRET.az xəbər verir ki, bu barədə Ermənistan hökuməti məlumat yayıb.
Bildirilib ki, 2025-ci ilin mart ayından etibarən Rusiya sərhədçiləri Ermənistan–Türkiyə dövlət sərhədində yerləşən digər məntəqə — “Marqara” sərhəd-keçid məntəqəsində də xidmətlərini dayandırıblar.
Qeyd edək ki, daha əvvəl — 2024-cü ilin yayında Rusiya sərhədçiləri “Zvartnots” beynəlxalq hava limanındakı nəzarət-buraxılış məntəqəsini tərk etmişdilər. 2025-ci ilin yanvar ayından isə onlar Ermənistan–İran sərhədindəki nəzarət-buraxılış məntəqəsində də xidmətlərini dayandırıblar.
Beləliklə, Ermənistan ərazisində bir sıra əsas sərhəd-keçid məntəqələrində mühafizə və nəzarət funksiyası tam şəkildə yerli sərhəd qoşunlarına həvalə olunub.
Natiq Səlim,
KONKRET.az
