Dermatoloq Andrea Kombalia yuyunmaq üçün istifadə olunan suyun temperaturunun çox vacib olduğunu bildirib.
E-saglam.az xəbər verir ki, Kombalianın izah etdiyi kimi, soyuq su ilə yumaq sebumu sərtləşdirir və bununla da təmizləyicinin düzgün işləməsinə mane olur. Bununla belə, isti su da uyğun deyil, çünki dərinin qoruyucu baryerini dəstəkləyən lipidləri təmizləyir. Həkim düzgün olmayan təmizlənmənin nəticələri kimi quruluğu, qıcıqlanmanı və artan həssaslığı göstərib.
Dermatoloq Rikardo Ruiz Rodriqez əlavə edib ki, yuma üçün ideal suyun temperaturu 28-30 dərəcə Selsi təşkil edir. Həkim izah edib ki, bu, təmizləyicinin sonradan qızartı və ya dartılma yaratmadan öz funksiyasını effektiv şəkildə yerinə yetirməsinə imkan verir ki, bu da xüsusilə həssas dərili insanlar üçün vacibdir.
Tərcümə: Könül Oruc
E-saglam.az
