Qırğızıstan radikal qruplara üzv toplayan əcnəbi vətəndaşı deportasiya edib.
İnterpress.az xəbər verir ki, bu barədə Qırğızıstanın Dövlət Milli Təhlükəsizlik Komitəsi (GKNB) məlumat yayıb.
Qırğızıstanın xüsusi xidmət orqanları radikal dini ideologiya tərəfdarı olan əcnəbi vətəndaşın fəaliyyətinin qarşısını alıb.
Araşdırmalar zamanı məlum olub ki, sözügedən şəxs yerli gəncləri müxtəlif radikal qruplara cəlb edərək ölkə ərazisində gizli hücrələr yaratmağı planlaşdırırmış.
Dövlət Milli Təhlükəsizlik Komitəsinin keçirdiyi əməliyyat nəticəsində həmin əcnəbi saxlanılaraq ölkə hüdudlarından kənara çıxarılıb.
Həmçinin onun Qırğızıstana girişi uzunmüddətli dövr üçün qadağan edilib.
Xuraman Etibarlı
İnterpress.az
