Fransa millisinin sabiq futbolçusu Kristof Düqarri, “Real”ın hücumçusu Kilian Mbappenin son oyunlardakı performansını tənqid edənlərə qarşı çıxış edib.
Sportinfo.az “RMC Sport”-a istinadən xəbər verir ki, o, bunu deyib:
“Düşünürəm ki, bu, ağlasığmazdır. Bu, gülüncdür.
İspanlar Mbappeni artıq istəmirlərsə, qoy onu geri qaytarsınlar. Və sonra Mbappe, deyəsən, bir çox insanı xoşbəxt edəcək.
Amma dürüst desəm, bu, həqiqətən gülüncdür. Düşünürəm ki, “Real”da artıq orada olmamalı olan çoxlu oyunçu var. Onlar çox şişirdilib”.
Mbappe 2024-cü ilin yayından “Real”da oynayır. O, daha əvvəl PSJ və “Monako”da forma geyinib.
