FİFA prezidenti Canni İnfantino ölkədəki gərgin vəziyyət fonunda 2026-cı il dünya çempionatı oyunlarının Meksikada keçirilməsi ehtimalı ilə bağlı fikirlərini bölüşüb.
Publika.az xəbər verir ki, İnfantinonun AS nəşrinə açıqlaması qısa və qeyri-müəyyən olub:
"Vəziyyət sakitdir, hazırda hər şey normaldır. Ümumilikdə turnirin problemsiz keçəcəyini gözləyirik".
Xatırladaq ki, fevralın 24-ü, Meksika Silahlı Qüvvələrinin xüsusi əməliyyatı nəticəsində ölkənin ən böyük narkokartellərindən biri olan CJNG-nin lideri, El Menço ləqəbi ilə tanınan Nemesio Oseqera öldürülüb. Bundan sonra Meksikanın bir neçə şəhərində iğtişaşlar başlayıb. Kartel üzvləri avtomobilləri yandırıb və yolları bağlayıblar.
