İstanbul, 25 fevral, Günel Karatepe, AZƏRTAC
Türkiyənin Balıkesir vilayətində qəzaya uğrayan “F-16” qırıcı təyyarəsində həlak olan pilotun dəfn mərasimi keçirilir.
AZƏRTAC xəbər verir ki, bu ölkənin Hərbi Hava Qüvvələrinin pilotu, mayor İbrahim Bolatın dəfni ilə bağlı rəsmi mərasim qəzanın baş verdiyi hərbi bazada təşkil olunub.
Qeyd edək ki, Balıkesir 9-cu Ana Reaktiv Baza Komandanlığının eskadrilyasına məxsus “F-16” qırıcı təyyarəsi tapşırıq uçuşu zamanı saat 00:50 radələrində qəzaya uğrayıb. Hadisə ilə bağlı tədqiqat aparılır.
