Ukrayna tərəfindən təklif edilən və bir sıra Avropa ölkələrinin dəstəklədiyi "Ukraynada hərtərəfli, ədalətli və davamlı sülhün bərqərar edilməsinin təşviqi" adlı qətnamə layihəsi üç səhifəlik sənəddən ibarət olub.
Sənəddə Rusiya Federasiyasının Ukraynaya tammiqyaslı müdaxiləsinin artıq üç ildir davam etdiyi və bunun nəinki Ukrayna üçün, həm də digər regionlar və qlobal sabitlik üçün dağıdıcı, uzunmüddətli fəsadlar doğurduğu vurğulanıb: Ukraynanın beynəlxalq səviyyədə tanınmış sərhədləri daxilində suverenliyinə, müstəqilliyinə, birliyinə və ərazi bütövlüyünə sadiqlik nümayiş etdirməyə çağırış; Beynəlxalq hüquqa uyğun olaraq törədilmiş cinayətlərə görə milli və beynəlxalq səviyyədə ədalətli, müstəqil araşdırmalar və məhkəmə təqibləri vasitəsilə məsuliyyətin təmin edilməsi zərurəti.
