Türkiyənin Diyarbakır bölgəsindəki Çinar rayonunda iki avtomobilin toqquşması nəticəsində 5 nəfər ölüb, 2 nəfər yaralanıb.
Qaziler.az bildirir ki, bu barədə TRT-Haber məlumat verib.
Diyarbakır valiliyindən verilən açıqlamada Çinarköy məhəlləsinin çıxışında iki nəqliyyat vasitəsinin toqquşması nəticəsində faciəli yol qəzasının baş verdiyi bildirilib. Qəza nəticəsində sürücülər də daxil olmaqla 5 nəfər ölüb, 2 nəfər yaralanıb.
Məlumatda yaralıların hazırda xəstəxanada müalicə aldığı qeyd edilib və əlavə edilib:
"Qəzadan sonra hadisə yerinə səhiyyə, jandarma və müvafiq qruplar göndərilib. Hadisə ilə bağlı araşdırma davam edir. Həyatını itirənlərin ailələrinə və yaxınlarına başsağlığı veririk və yaralılara tezliklə sağalmalarını arzulayırıq".
QAZİLER.AZ
