Ağstafa RİH başçısı Seymur Orucov müalicəsi yaşadığı Qırılı kəndində davam etdirilən Vətən müharibəsi şəhidimiz Təbriz İlqar oğlu Quliyevin anasına baş çəkib, ailənin qayğıları ilə maraqlanıb.
"Unikal" xəbər verir ki, hazırda səhhətinin yaxşılığa doğru dəyişdiyini söyləyən Şəhla ana, şəhid ailələrinin üzvlərinin sağlamlığının daim diqqətdə saxlanılmasını, onların sosial müdafiəsinin davamlı olaraq gücləndirilməsini hər kəsin təqdirəlayiq hal kimi qiymətləndirdiyini bildirib və buna görə Prezident İlham Əliyevə və Birinci vitse-prezident Mehriban Əliyevaya dərin minnətdarlığını ifadə edib.
