Əfsanəvi boksçular Floyd Meyvezer və Menni Pakyao sentyabrın 19-da revanş döyüşünə çıxacaqlar.
İdman.Biz xəbər verir ki, qarşılaşma Las-Veqasdakı “Sphere” arenasında keçiriləcək və bütün dünya üzrə canlı yayımı “Netflix” platforması həyata keçirəcək.
Qeyd edək ki, F. Meyvezer revanşa 50 qələbə (27 nokaut) və məğlubiyyətsiz rekordla (50-0) çıxacaq. Pakyaonun aktivində isə 62 qələbə (39 nokaut), səkkiz məğlubiyyət və üç heç-heçə var.
Rəqiblərin ilk döyüşü 2015-ci ilin mayında baş tutmuş və “Əsrin döyüşü” adlandırılmışdı. Həmin görüşdə Floyd Meyvezer qalib gələrək yarımağır çəkidə WBA, WBC və WBO versiyaları üzrə dünya çempionu kəmərlərini qorumuşdu.
