ain.az, Ayna saytına istinadən bildirir.
Nazir: “İndi əvvəlki razılaşmadan daha yaxşı ola biləcək komponentlər var”
“Tehran güman edir ki, İranın nüvə proqramı ilə bağlı Vaşinqtonla potensial razılaşmalar Qərbin bəzi sanksiyalarının ləğvini də əhatə edə bilər”. AYNA.AZ xəbər verir ki, bu sözləri İranın xarici işlər naziri Abbas Əraqçi CBS televiziya kanalına müsahibəsində deyib.
O 2015-ci ildə Birgə Hərtərəfli Fəaliyyət Planının (BHFP) imzalanması barədə danışarkən qeyd edib ki, "n il keçib, yeni bir vəziyyət yaranıb”.
“Nüvə proqramımız o vaxtdan bəri texniki cəhətdən irəliləyib. Əlbəttə ki, İrana qarşı daha çox sanksiya tətbiq edilib, daha çox təzyiq göstərilir. Beləliklə, düşünürəm ki, BHFP-dən, 2015-ci il nüvə razılaşmasından daha yaxşı olacaq bir razılaşma mümkündür. Və əvvəlki razılaşmadan daha yaxşı ola biləcək komponentlər var", nazir əlavə edib.
"Mən bu razılaşmanı danışıqlar yolu ilə həll etdim", Əraqçi BHFP haqqında danışarkən bildirib.
“Biz çox detallı danışdıq. Amma düşünmürəm ki, hazırda bu qədər detala ehtiyac var. Əsas məsələlər üzrə razılaşmalara gələ bilərik. Və biz İranın nüvə proqramının dinc xarakter daşıdığını və həmişə dinc xarakter daşıyacağını, daha çox sanksiyaların qaldırıldığını təmin edə bilərik", - Əraqçi vurğulayıb.
Qeyd edək ki, 2015-ci ildə İran Birləşmiş Krallıq, Almaniya, Çin, Rusiya, ABŞ və Fransa ilə JCPOA-nı imzalayıb və bununla da 2002-ci ildə Qərbin Tehranın nüvə silahı hazırladığına dair ittihamları ilə başlayan böhrana son qoyub.
Lakin 2018-ci ildə Vaşinqton müqavilədən çıxdığını və İrana qarşı bütün ABŞ sanksiyalarını bərpa etdiyini elan edib. 2020-ci ildə İslam Respublikası JCPOA qarşısındakı öhdəliklərini qarşılıqlı olaraq azaldacağını bəyan edib. O vaxtdan bəri İranın nüvə proqramı ilə bağlı yeni bir razılaşma əldə etmək və ya 2015-ci il razılaşmasına qayıtmaq üçün dəfələrlə cəhdlər edilib, lakin onlar indiyə qədər uğursuz olub.
Daha ətraflı məlumat və yeniliklər üçün ain.az saytını izləyin.
