"Azərbaycan Yerüstü Nəqliyyat Agentliyi" (AYNA) Publik Hüquqi Şəxsi bir mənbədən satınalma metodu ilə müqavilə imzalayıb.
FED.az biznes və maliyyə xəbərləri portalı xəbər verir ki, tenderin predmeti "AVL Sistemi və AVL İT İnfrastruktur Xidmət Səviyyəsi Müqaviləsi" üzrə xidmətlərin satın alınmasıdır. Müqavilənin məbləği 2 100 000 manat təşkil edir.
Müqavilə "NEC TELEKOMÜNİKASYON VE BİLGİ TEKNOLOJİLERİ LTD. ŞTİ." (VÖEN – 6300402386) ilə bağlanıb.
Məlumat üçün bildirək ki, sözügedən şirkət 19 mart 2025-ci il tarixində Agentliyin AVL sistemi, İT infrastrukturu və proqram təminatı xidmətlərini nəzərdə tutan 2 595 000 manatlıq digər tenderinin də qalibi olmuşdu.
