Almaniyanın Münhen hava limanında güclü qar yağışı və logistika problemləri təxminən 500 sərnişinin Lufthansa reyslərində gecələyərək qalmasına səbəb olub.
Turkustan.az xəbər verir ki, Almaniyanın DPA xəbər agentliyinin məlumatına görə, Almaniyanın Münhen hava limanında güclü qar yağışı qışın ortasında aviasiya böhranına çevrilib. 19 fevral Cümə axşamı axşamı planlaşdırılan uçuşlarına minmə prosedurlarını tamamlayan sərnişinlər qar yağışı hava səyahətini iflic etdiyindən uçuş-enmə zolağında qalıblar.
Uçuş hazırlıqlarını tamamlamış, lakin əlverişsiz hava şəraiti səbəbindən havaya qalxa bilməyən təyyarələr terminalın dayanacaq yerlərinin dolu olması və transfer avtobuslarının sayının az olması səbəbindən perrondan geri qayıda bilmədilər.
Almaniyanın Lufthansa aviaşirkətinin sözçüsü bildirib ki, güclü qar yağışı sərnişinlərin təyyarələrə minməsini tamamlayıb uçuşa hazır olduqları müddətdə uçuşları qeyri-mümkün edib.
Münhen Hava Limanını idarə edən şirkət, terminalla birbaşa əlaqəli dayanacaq yerlərinin tamamilə dolu olduğunu və avtobusların perronda nəqliyyat təmin etmək üçün tutumunun yetərli olmadığını, nəticədə sərnişinləri və heyət üzvlərini səhərə qədər təxliyə edə bilmədiyini açıqladı. Hava limanı rəhbərliyi logistika böhranı ilə bağlı dərin təəssüfünü bildirdi.
Aytən Yaşar/ Turkustan.az
