ABŞ-ın Ali Məhkəməsi tərəfindən administrasiya tərəfindən tətbiq olunan qlobal gömrük rüsumlarının ləğv edilməsi ilə bağlı qəbul edilən tarixi qərar Prezident Donald Tramp üçün ciddi zərbə olub.
Bloomberg agentliyi yazır ki, Tramp prezidentliyinin ilk ilində xarici siyasət məqsədlərinə çatmaq üçün birtərəfli tədbirlərdən demək olar ki, nəzarətsiz şəkildə istifadə edib.
KONKRET.az xəbər verir ki, bu qərar Trampın Çin Xalq Respublikasının sədri Si Cinpin ilə qarşıdakı görüşü ərəfəsində mövqelərinə birbaşa təsir göstərəcək. Agentliyin fikrincə, Çin danışıqlara daha güclü mövqedən yanaşacaq və ABŞ məhsulları, “Boinq” şirkətinin təyyarələri və enerji daşıyıcılarının böyük həcmdə alınması ilə bağlı gözlənilən tələbləri daha inamla rədd edə bilər.
Tramp təzyiq üçün alternativ yollar axtarmağa çalışaraq Ticarət Qanununun 122-ci maddəsinə əsasən əvvəlcə 10 faiz, daha sonra isə 15 faizə qədər sanksiyalar tətbiq edib. Lakin bu mexanizm daha az çevikdir və maksimum 150 gün müddətinə rüsum tətbiq etməyə imkan verir.
Daxildə də ictimai rəy prezidentin xeyrinə deyil. Pyu Araşdırma Mərkəzi tərəfindən keçirilən sorğuya əsasən, amerikalıların təxminən 60 faizi Trampın rüsum siyasətini dəstəkləmir, təxminən yarısı isə bu siyasətin ölkə iqtisyyatını zəiflətdiyini düşünür.
Natiq Səlim,
KONKRET.az
