ain.az xəbər verir, Cebheinfo saytına əsaslanaraq.
Çinli tədqiqatçılar qırmızı ətin ağ ətlə əvəz edilməsinin diabet riskini azalda biləcəyini, lakin təsirin ilkin istehlak səviyyəsindən asılı olduğunu aşkar ediblər.
Tədqiqata Çin Sağlamlıq və Qidalanma Sorğusunda iştirak edən 12143 yetkin qatılıb.
“Cebheinfo.az” xəbər verir ki, nəticələr “Nutrients” jurnalında dərc edilib.
Müşahidə dövründə 687 yeni diabetli xəstə qeydə alınıb. Təhlil həm qırmızı, həm də ağ ətin istehlakı ilə xəstəlik riski arasında U formalı bir əlaqə aşkar edib. Ən aşağı risk gündə təxminən 75 qram qırmızı ət və 60 qram ağ ət yeyənlərdə müşahidə edilib. Daha yüksək miqdarla isə risk artıb.
Təsir xüsusilə əvvəlcə gündə ən azı 75 qram qırmızı ət istehlak edən insanlarda özünü göstərib. Bu qrupda 50 qram qırmızı ətin ağ ətlə (quş əti və ya balıq) əvəz edilməsi diabet riskinin 34% azalması ilə nəticələnib. Qırmızı ət istehlakı az olan insanlarda belə bir əlaqə tapılmayıb.
Müəlliflər vurğulayırlar ki, nəticələr qırmızı ətin əvəz edilməsi üçün universal tövsiyələri şübhə altına alır. Onlar hesab edirlər ki, xüsusilə də yüksək diabeti olan insanlar üçün hədəflənmiş strategiya daha təsirli ola bilər. Tədqiqat müşahidə xarakteri daşıyır və səbəb-nəticə əlaqəsini sübut etmir. Bununla belə, alimlər diabetin qarşısının alınmasında fərdi qidalanma vərdişlərinin nəzərə alınmasının vacibliyini vurğulayır.
Xəzər
“Cebheinfo.az”
Problemlərinizi bizə yazın, şahidi olduğunuz hadisələri çəkib göndərin
Daha ətraflı məlumat və yeniliklər üçün ain.az saytını izləyin.
