Barmaqlarınızın formasındakı dəyişikliklər ağciyər xərçəngini göstərə bilər.
"Cebheinfo.az" xəbər verir ki, bunu "The Mirror" qəzeti yazıb.
"Həkimlər ağciyər xərçəngini erkən mərhələlərində aşkar etməyə kömək edə biləcək və potensial olaraq həyatları xilas edə biləcək sadə bir test təsvir ediblər",- deyə qəzet "Roy Castle" Ağciyər Xərçəngi Fonduna istinadən xəbər verib.
Sağ və sol əllərinizin dırnaqlarını bir-birinə toxundurun. Bu zaman barmaqlar arasında normal olaraq romb şəkilli boşluq əmələ gəlməlidir.Əgər boşluq yoxdursa, bu, barmaqların son falanqlarının qalınlaşmasını göstərə bilər.
"The Mirror" qəzetinin məlumatına görə, bu simptom kiçik hüceyrəli olmayan ağciyər xərçəngi olan xəstələrin 35 faizində və kiçik hüceyrəli ağciyər xərçəngi olan insanların dörd faizində müşahidə olunur.
Məqalədə deyilir ki, bu testin müsbət nəticəsi bədxassəli şişin məcburi əlaməti hesab edilə bilməz, lakin mütəxəssislər barmaqlarınızın formasında dəyişiklik olarsa, həkimə müraciət etməyi məsləhət görürlər.
Tez-tez dəyənək və ya Hippokrat barmaqları adlandırılan bu deformasiyadan başqa ağciyər xərçəngi davamlı öskürək, nəfəs darlığı, yorğunluq, çəki itkisi və nəfəs alma və öskürmə zamanı ağrı ilə xarakterizə olunur.
Xəzər
