“Real Madrid”in yarımmüdafiəçisi Eduardo Kamavinqa karyerasını İngiltərədə davam etdirə bilər.
Publika.az xəbər verir ki, “TEAMtalk”ın məlumatına görə, “Mançester Yunayted” fransız futbolçunu transfer etməkdə maraqlıdır. “Qırmızı şeytanlar” yarımmüdafiəçini bu yay klubdan ayrılacaq Kazemironun əvəzedicisi kimi nəzərdən keçirir. “Real Madrid” oyunçusunu satmağa hazırdır.
“Los Blancos” Kamavinqanın satışı üçün 75 milyon avrodan çox tələb edir. Eduardo Kamavinqa 2021-ci ildə “Renn”dən 31 milyon avroya “Real Madrid”ə keçib. Onun müqaviləsi 30 iyun 2029-cu ilə qədərdir. Yarımmüdafiəçi bu mövsüm Madrid klubunun heyətində bütün turnirlərdə 28 oyunda iştirak edib, iki qol vurub və bir məhsuldar ötürmə edib.
