Xalq artisti Röya Ayxan və Əməkdar artist Xəyyam Nisanov uzun müddətdən sonra eyni məclisdə bir araya gəlib.
Bakıvaxtı.az xəbər verir ki, sənətçilərin tədbirdəki çıxışı və xüsusilə səhnədə nümayiş etdirdikləri rəqs performansı qonaqların və sosial şəbəkə istifadəçilərinin marağına səbəb olub.
Məclisdən yayılan görüntülərdə hər iki ifaçının enerjili və səmimi anlar yaşadığı görünür. Onların ritmə uyğun rəqsi iştirakçılar tərəfindən alqışlarla qarşılanıb.
Sosial şəbəkələrdə yayılan videolara çoxsaylı rəylər yazılıb. İzləyicilər sənətçilərin enerjisini və səhnə uyğunluğunu yüksək qiymətləndiriblər.
