Ukrayna Xarici İşlər Nazirliyi Macarıstan və Slovakiya rəhbərliyinin Ukraynaya elektrik enerjisinin tədarükünün mümkün dayandırılma ehtimalı ilə bağlı bəyanatlarını enerji şantajı adlandırıb və bu cür tələblərin Kiyevə deyil, Kremlə ünvanlanmalı olduğunu bildirib.
APA-nın məlumatına görə, nazirliyin fevralın 21-də yayımladığı açıqlamada qeyd olunub ki, Ukrayna Macarıstan və Slovakiya hökumətlərinin ultimatum və şantaj xarakterli bəyanatlarını rədd edir və pisləyir.
"Rusiya tərəfindən Ukraynanın enerji infrastrukturuna məqsədli hücumların davam etdiyi şəraitdə bu cür addımlar təxribatçı və məsuliyyətsiz xarakter daşıyır", - bəyanatda deyilir.
