Dünya

Bəzən rəhimlidir, bəzən də tiran

Bəzən abad qılır,bəzən də viran

Bəzən çiçək açar, bəzən də tikan

Cəlladın əlində kəndirdir dünya

Yandırıb, bişirən təndirdir dünya 

 

Atalı analı,yetim qoyandır

Haqq görən gözləri həmən oyandır

Məsumu suçlayıb dəri soyandır

Qarğanın ağzında pendirdir dünya

Yandırıb bişirən təndirdir dünya 

 

Bəzən yara sarar bəzən qan içər

Adil orağıla qəmdən bar biçər

Qartalı itirib sərçə,sar seçər

Gödəklər içində hündürdür dünya

Yandırıb bişirən təndirdir dünya

 

 

Vələdov Əncəm Azər oğlu 1986-cı il 24 iyulda Qusar rayonunda anadan olub. İxtisasca əczaçıdır. Ailəlidir, 2 uşaq atasıdır. Həm Azərbaycan, həm də ləzgicə şeirlər yazır. “Marvar” ədəbi məclisinin üzvüdür. Aktiv şəkildə qiraətlə məşğul olur.