U-18 millimiz Belarus yığmasına qalib gəldi

18 yaşadək futbolçulardan ibarət Azərbaycan milli komandası (U-18) Beynəlxalq İnkişaf Turnirində üçüncü oyununa çıxıb.

Arena.az xəbər verir ki, B qrupunda yer almış millimiz bu gün Belarusun müvafiq yaş qrupundan ibarət komandası ilə qarşılaşıb.

Belarusun paytaxtı Minskdə yerləşən yerli futbol federasiyasının məşq meydançasında keçirilmiş qrupun son görüşündə komandamız 1:0 hesablı qələbə qazanıb. Millimizin qalibiyyət qolunu 42-ci dəqiqədə Əli Bəşirov vurub.

Xatrladaq ki, Azərbaycan millisi qrupdakı ilk matçında Rusiyaya 1:7 hesabı ilə məğlub olmuşdu. U-18 millimiz növbəti oyunda Özbəkistan yığmasına da 1:3 hesabıyla uduzmuşdu.

Fevralın 23-də həlledici oyunlar keçiriləcək. Qrupların qalibləri finalda, ikinciləri üçüncü yer uğrunda, üçüncüləri beşinci yer uğrunda, dördüncüləri isə 7-ci yer uğrunda görüşdə üz-üzə gələcəklər.

Azərbaycan yığması bu turnirdə aşağıdakı heyətlə mübarizə aparır:

Nurəziz Əzizov – Neftçi
Bilal Hacıyev – Qarabağ
Uğur Qurbanlı – Qarabağ
Rəşad Gülüşov – Sabah
Atacan Məmmədov – Marset (İspaniya)
Səttar Tahirzadə – Marset (İspaniya)
Muhamməd Çodarov – Marset (İspaniya)
İsmayıl Səfərli – Neftçi
Amin Rzayev – Qarabağ
Sahib Xəlilli – Neftçi
Eldar Abbasov – Qarabağ
Raul İsaqov – Kəpəz
Nihad Hüseynzadə – Sabah
Musa Mustafayev – Zirə
İbrahim Xəlilov – Sabah
Samir Şərifov – Sabah
Pünhan Kərimov – Marset (İspaniya)
Emin Süleymanov – Neftçi
Əli Bəşirov – Qarabağ
Kamal Zülfiyev – Sumqayıt
Nicat Kərimov – Sabah