Norveç ABŞ-ın mart ayında ölkənin şimal hissələrində keçirilməsi planlaşdırılan genişmiqyaslı NATO təlimindən döyüş təyyarələrini geri çəkdiyini açıqlayıb.
AFN.az-ın məlumatına görə, Norveç Silahlı Qüvvələrinin polkovnik-leytenantı Espen Solemdal milli mətbuata verdiyi açıqlamada Norveçdə Arktika təhlükəsizliyi ilə bağlı təşkil olunacaq NATO təlimində ABŞ-ın F-35 qırıcılarının iştirak etməyəcəyini bildirib. Bu qərarın 100-150 nəfərlik ABŞ hərbi heyətinin Norveçə gəlməyəcəyi mənasına gəldiyini qeyd edən Solemdal, onların dünyanın başqa yerlərinə gedəcəklərini ifadə edib.
Solemdal ABŞ təyyarələrinin yoxluğunun təlimin hava hissəsinə təsir edəcəyinə toxunaraq, ABŞ-ın öz "yarışında" olduğu qiymətləndirməsini edib. Norveç mediası ABŞ-ın döyüş təyyarələrini İranla yaşanan gərginlik səbəbindən təlimdən çəkdiyini, bənzər bir vəziyyətin 2025-ci ilin iyununda yaşandığını və ardınca ABŞ-ın bir çox beynəlxalq müqavilədən çıxdığını xatırladıb.
Bu arada, Norveç Silahlı Qüvvələri 2026-cı ilin martında "Soyuq Cavab" (Cold Response) adı altında 14 NATO ölkəsinin iştirakı ilə keçiriləcək təlimin Norveçdə reallaşan ən böyük hərbi hazırlıqlardan biri olacağını qeyd edib.
