ain.az xəbər verir, Ayna saytına əsaslanaraq.
Son bir ay ərzində təsdiqlənmiş adların sayı təxminən 20 min artıb
BBC, Mediazona və könüllülər qrupu Ukrayna ilə müharibənin başlanğıcından bəri həlak olan 186 min 102 rus əsgərinin kimliyini müəyyən edib. AYNA.AZ BBC-yə istinadən bildirir ki, tədqiqatçıların fikrincə, son bir ay ərzində təsdiqlənmiş adların sayı təxminən 20 min artıb. Bu, saymanın başlanmasından bəri rekord artımdır. Lakin tədqiqatın müəllifləri ölüm hallarının artmasının cəbhə xəttindəki mövcud vəziyyətlə əlaqəli olmadığını vurğulayırlar.
Hesablama metodologiyası ictimai qeydlərin təhlilinə əsaslanır: nekroloqlar, sosial media paylaşımları və itkin düşmüş şəxslərlə bağlı bildirişlər. Həqiqi itkilərin sayı daha çox ola bilər.
Son bir ay ərzində tədqiqatçılar bir neçə il ərzində toplanmış məlumatları ictimaiyyətə açıq hökumət məlumat bazaları, əsasən də bir şəxsin ölümünü effektiv şəkildə təsdiqləyən vəsiyyətnamə reyestr siyahıları ilə müqayisə edə biliblər.
Həmçinin qeyd olunub ki, ölənlər arasında könüllülərin nisbəti artmaqda davam edir: onlar hazırda bütün təsdiqlənmiş itkilərin üçdə birini təşkil edir. Son bir il yarım ərzində müəyyən edilmiş bütün könüllülərin yarıdan çoxu həlak olub.
Hadisənin gedişatını izləmək üçün ain.az saytında ən son yeniliklərə baxın.
