Birləşmiş Millətlər Təşkilatının (BMT) Dünya Ərzaq Proqramının (WFP) Fövqəladə Hallara Hazırlıq və Reaksiya üzrə direktoru Ross Smit Somalidə milyonlarla insanın aclıq böhranının dərinləşməsi riski ilə üzləşdiyi barədə xəbərdarlıq edib.
BMT-nin Cenevrə ofisinin həftəlik mətbuat konfransında çıxış edən Smit, Somalidəki humanitar vəziyyətin son dərəcə dəhşətli olduğunu bildirib.

"Somalidə milyonlarla insan aclıq böhranının dərinləşməsi riski altındadır", - deyən Smit, son iki yağışlı mövsümün quraq keçdiyini və bölgədə münaqişə və qeyri-sabitliyin davam etdiyini əlavə edib.
Smit minlərlə insanın sığınacaq, qida və əsas xidmətlərə çıxış axtararaq evlərini tərk etmək məcburiyyətində qaldığını bildirib və əlavə edib ki, "Bütün bunlar Somalidə humanitar yardım səylərini iflasa uğradıb".

Resursların ciddi çatışmazlığına işarə edən Smit deyib: "Yeni və təcili maliyyələşdirmə təmin edilməsə, Ümumdünya Ərzaq Proqramının Somaliyə həyati əhəmiyyətli təcili ərzaq və qidalanma yardımı bir neçə həftə ərzində başa çatacaq. Dünya Somalidə əziyyət çəkən milyonlarla həssas qadın, kişi və uşağa diqqət yetirməlidir".


Smit qeyd edib ki, Somali əhalisinin dörddə birini təşkil edən 4,4 milyon insan böhran səviyyəsində və ya ciddi qida çatışmazlığı ilə üzləşir və təxminən 2 milyon uşaq kəskin qidalanma çatışmazlığından əziyyət çəkir.

"Son 5 ayda təxminən yarım milyon insan didərgin düşüb". Smit aşağıdakıları bildirdi:

"Resurs çatışmazlığı bizi verə biləcəyimiz həyati yardımı dəfələrlə azaltmağa məcbur etdi. Maliyyələşdirmənin kifayət qədər olmaması səbəbindən 2025-ci ilə qədər ərzaq və qidalanma yardımımızı yarıdan çox azaltmaqdan başqa çarəmiz qalmadı. Hazırda böhran səviyyəsində aclıqla üzləşən 4,4 milyon insandan yalnız 640.000-nə kömək edirik. Bu, Ümumdünya Ərzaq Proqramının (ÜƏP) ötən ilin bu vaxtında təcili ərzaq yardımı ilə dəstəklədiyi 2,2 milyon insandan xeyli azdır."

aia.az
Tərcümə şöbəsi

• Somali
• Dərinləşmə
• Iman
• Aclıq Böhranı