Keçmiş şahzadənin iqamətgahında axtarış keçirilib

AzVision.az xəbər verir ki, Böyük Britaniyanın hüquq-mühafizə orqanlarına istinad edən “The Guardian” nəşri belə məlumat yayıb.

İstintaq, keçmiş şahzadənin amerikalı maliyyəçi Ceffri Epşteynin istintaqı çərçivəsində onun fevralın 19-da həbs olunmasından sonra başlayıb. Endryunun Epşteynlə əlaqələri ilə bağlı qalmaqaldan sonra Kral III Çarlz Endryunu titul və şərəflərindən məhrum etmək və kral iqamətgahından çıxarmaq qərarını verib.

Donald Tramp:“Endryunun həbsi rüsvayçılıqdır”

Polis Norfolkda axtarışların başa çatdığını,Endryunun Berkşirdə yerləşən Royal Loc iqamətgahında isə istintaq araşdırmalarının davam etdiyini açıqlayıb. Keçmiş şahzadə “dövlət vəzifəsində davranış qaydalarını pozmaqda” ittiham olunur. Polis əlavə şərh vermir.

Xatırladaq ki, fevralın 19-da Böyük Britaniya polisi Endryunu saxlasa da, onun adı rəsmi olaraq açıqlanmayıb. Keçmiş şahzadə təxminən 12 saat sonra sərbəst buraxılıb.

Böyük Britaniya Kralı III Çarlz hadisədən “dərin narahatlıq”la xəbər tutduğunu və prosedurlar başa çatana qədər vəziyyətlə bağlı şərh verməyi mümkün saymadığını bildirib.

Yeri gəlmişkən, ABŞ prezidenti Donald Tramp Endryu Mauntbetten-Vindzorun həbsini Böyük Britaniyanın kral ailəsi üçün “rüsvayçılıq” və “pis hadisə” adlandırıb.

Sahil İsgəndərov
AzVision.az