Astrologiya və münasibətlər dinamikası ilə bağlı sosial mediada ən çox müzakirə edilən mövzulardan biri də sədaqət və bürclər arasındakı əlaqədir.
Bir universitetin 50 illik məlumatlarına əsaslanan siyahıda ən çox sədaqətsizlik göstərən ilk 3 bürc sıralanıb:
Xərçəng (21 iyun - 22 iyul)
Xərçəng ən çox aldatan bürc kimi diqqət çəkib. Xərçəng bürcü insanları emosional baxımdan həssas və güvənsiz ola bilirlər. Bu səbəbdən münasibətlərində tez-tez şübhəçi davranır və partnyorlarına qarşı güvənsizliklərini idarə etməkdə çətinlik çəkə bilirlər. Bu vəziyyət isə aldatma meylinə səbəb ola bilər.
Şir (23 iyul - 22 avqust)
Şir münasibətlərdə sədaqətsizliklə ən çox anılan ikinci bürc olub. Bəyənilmə və heyranlıq ehtiyacı onları cazibələrə qarşı daha həssas edə bilər və nəticədə partnyorlarını aldada bilərlər. Lakin özlərini dəyərli və sevilmiş hiss etdikləri, xoşbəxt və məmnun olduqları münasibətlərdə partnyorlarına qarşı olduqca sadiq də ola bilirlər.
Oğlaq (22 dekabr - 19 yanvar)
Soyuqqanlılığı ilə tanınan Oğlaq xəyanət statistikasında üçüncü sırada yer alıb. Oğlaqlar bəzən məsafəli və laqeyd görünə bildikləri üçün aldatmanı çox ciddi məsələ kimi qəbul etməyə bilərlər. Aldadarkən peşmanlıq hiss etmədikləri və bunun başqalarının həyatına təsiri barədə çox düşünmədikləri iddia olunur. Qarşı tərəfin davranışlarını proqnozlaşdırmaqda bacarıqlı olduqları üçün uzun müddət yaxalanmadan davam etdirə bilərlər. Yaxalandıqda isə davranışlarını əsaslandırmağa çalışa bilərlər. Onlar çox vaxt emosional deyil, daha çox fiziki məmnuniyyət axtara bilirlər./Milli.Az
