Bizimyol portalından verilən məlumata görə, ain.az xəbər yayır.
Yüksək vəzifəli milli təhlükəsizlik rəsmiləri ABŞ prezidenti Donald Trampa ordunun 21 fevral şənbə günü İrana zərbə endirməyə hazır olduğunu bildiriblər.
Bizimyol.info xəbər verir ki, "CBS News" mənbələrinə görə, hərbi əməliyyatların vaxtı bu həftəsonundan daha uzadıla bilər. Prezident hələlik yekun qərar verməyib.
Növbəti üç gün ərzində Pentaqon İranın mümkün hərəkətlərini və ya cavab addımlarını gözləmək üçün Yaxın Şərqdən bəzi personalını - Avropaya və ya ABŞ-a - müvəqqəti olaraq yenidən yerləşdirir.
Bir mənbə bildirib ki, "ABŞ-ın potensial hərbi fəaliyyətini gözləmək üçün qüvvələrin və personalın yenidən yerləşdirilməsi Pentaqonun standart təcrübəsidir və mütləq İrana hücumun qaçılmaz olduğu anlamına gəlmir".
18 fevralda Ağ Evdə yüksək vəzifəli milli təhlükəsizlik müşavirlərinin görüşünün keçirildiyi bildirilir. Vəziyyət otağında keçirilən görüş Tehranla bağlı vəziyyətin inkişafına həsr olunmuşdu. Bölgədə yerləşdirilən Amerika qüvvələrinə martın ortalarına qədər mövqelərini tutmaq əmri verilib. Tramp həmçinin xüsusi elçi Stiv Vitkoff və Cared Kuşnerdən əvvəllər Tehranla aparılan dolayı danışıqlar barədə brifinqlər alıb.
"USS Abraham Lincoln" aviadaşıyıcı qrupu və onun hərbi gəmilərindən ibarət donanması artıq regiondadır və ikinci aviadaşıyıcı qrupu olan "USS Gerald Ford" Yaxın Şərqə gedir. Gəmi izləmə məlumatlarına görə, "Ford" 18 fevral tarixinə qədər Qərbi Afrika sahillərində idi.
"The Wall Street Journal" xəbər verir ki, hazırda regionda cəmləşən ABŞ hərbi qüvvələri 2003-cü ildə İraqa hücumundan bəri bölgəyə gətirilmiş ən böyükdür gücdür.
Məqalədə deyilir: "Bu atəş gücü ABŞ-a İrana qarşı davamlı, çoxhəftəlik hava müharibəsi aparmaq imkanı verəcək, ABŞ-ın iyun ayında İranın üç nüvə obyektinə qarşı başlatdığı birdəfəlik "Gecəyarısı çəkic" zərbəsindən fərqli olaraq.
Nəşrin məlumatına görə, Trampa İranda müxtəlif hərbi əməliyyat variantları təqdim edilib. Hamısı rejimə və onun Yaxın Şərqdəki regional nümayəndələrinə maksimum ziyan vurmaq məqsədi daşıyır. Bu variantlara rejimi devirmək məqsədi ilə çoxsaylı siyasi və hərbi liderləri aradan qaldırmaq əməliyyatı və ya nüvə və ballistik raket proqramları mərkəzlərinə yönəlmiş məhdud hərbi əməliyyat daxildir.
Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
