Almaniya Kansleri Fridrix Mers Ukraynadakı münaqişənin tezliklə başa çatacağını gözləmədiyini bildirib və hərbi əməliyyatların tərəflərdən birinin tükəndiyi zaman dayanacağını deyib.
AFN.az-ın xəbərinə görə, "Neue Berliner Redaktionsgesellschaft" və "Rheinpfalz" nəşrlərinə müsahibəsində Mers qeyd edib ki, onun qiymətləndirməsinə əsasən bu müharibə yalnız iki tərəfdən biri hərbi və ya iqtisadi cəhətdən tükəndikdə sona çatacaq. O, həmçinin Rusiya prezidenti Vladimir Putinlə normal münasibətlərin bərpasını "faktiki olaraq qeyri-mümkün" hesab etdiyini vurğulayıb.
Rusiya liderinin mətbuat katibi Dmitri Peskov bəyan etmişdi ki, prezident Vladimir Putin heç vaxt birbaşa təmaslardan imtina etməyib və istək olarsa, Fransa prezidenti Emmanuel Makron və Almaniya kansleri Fridrix Mers sadəcə zəng edə bilərlər. Hazırda Berlin və Moskva arasında diplomatik gərginlik yüksək səviyyədə qalmaqdadır.
