"Arsenal" 2019-cu ildən bəri baş məşqçisini dəyişməyib, lakin son günlər Mikel Artetanın istefası ilə bağlı xəbərlər dolaşır.
90deqiqe.Az-ın məlumata görə, “topçular” yenə də çempionluq titulu qazanmasa, mövsüm sonunda baş məşqçi ilə yolların ayrılacağı ehtimal olunur.
Mümkün namizədlər
Xabi Alonso – Əgər Alonso "Real Madrid"lə uğursuzluq yaşayıbsa, bu, onun digər klublarda müvəffəq olmayacağı anlamına gəlmir. “Arsenal” ispaniyalı mütəxəssis üçün ideal layihə ola bilər, hətta “Real”dan daha uyğundur. Alonso "Bayer"lə möhtəşəm mövsüm keçirmişdi, komandası yalnız bir dəfə məğlub olmuşdu.
Sesk Fabreqas – 38 yaşlı ispaniyalı mütəxəssis Avropada perspektivli gənc məşqçilərdən sayılır. Fabreqasın rəhbərliyi altında "Komo" komandası sürətlə inkişaf edir və indi Avrokuboklara qatılmaq uğrunda mübarizə aparır. “Barselona” Fabreqası izləyir, lakin onun uzun illər “Arsenal”da çıxış etməsi İngiltərə klubuna təyinatı məntiqli edir.
Vensan Kompani – 39 yaşlı belgiyalı mütəxəssis “Bavariya” ilə yalnız ikinci mövsümünü keçirir, amma klub artıq Çempionlar Liqasının favoriti sayılır. Kompani “Mançester Siti” tərəfindən Pep Qvardiolanın əvəzi kimi izlənilsə də, “Arsenal” onu komandaya cəlb edə bilər.
Antonio Konte – Əsas səbəb, niyə “Arsenal” Artetanı göndərmək istəyir, çempionluğun olmamasıdır. Klub hesab edir ki, Premyer Liqada üç gümüş, iki Kubok və iki Superkubok qazanmaq kifayət deyil. İtaliyalı mütəxəssis praktiki olaraq hər komandada ilk mövsümdə nəticə göstərir və yalnız bundan sonra problemlər başlayır. “Topçular” üçün əsas məqsəd çempionluqdursa, Konte ideal namizəddir.
