Yüksək səviyyəli təhlükəsizlik rəsmiləri ABŞ prezidenti Donald Trampa ordunun İrana qarşı mümkün hücum üçün şənbə günü hazır olacağını bildiriblər.
Manset.az xarici mediaya istinadən xəbər verir ki, rəsmi şəxslər prezidentin hələlik son qərarını vermədiyini, ancaq mümkün hücum qərarının həftə sonundan sonra da verilə biləcəyini qeyd ediblər. Əgər İrana hücum qərarı verilərsə, ABŞ-nin Orta Şərqdəki işçilərini Avropaya və ya ABŞ-yə geri çəkməsi ehtimalı da irəli sürülüb. ABŞ Müdafiə Nazirliyinin bu iddialara dair açıqlama verməkdən çəkinməsi bildirilib.
İrana qarşı mümkün hücum üçün şənbə günü tarixindən söhbət gedir. Trampın hələ son qərarını vermədiyi və ən yaxşı hərəkət tərzi ilə bağlı məsləhətçiləri və müttəfiqləri ilə danışdığı bildirilib. Trampın Orta Şərq üzrə nümayəndəsi Steve Witkoff və kürəkəni Jared Kushner tərəfindən İranla aparılan dolayı danışıqlar haqqında məlumatlandırıldığı, həmçinin bir mənbənin "Prezident bu məsələyə çox vaxt ayırır" dediyi ifadə edilib. Trampın həftə sonuna qədər hücum barədə qərar verib-verməyəcəyinin hələ də qeyri-müəyyən olduğu vurğulanıb.
