Suriya Prezidenti Əhməd əl-Şaraa müsəlmanların müqəddəs Ramazan ayının başlanması münasibətilə ümumi əfv fərmanı imzalayıb.
Yeniavaz.com xəbər verir ki, bu barədə SANA agentliyi məlumat yayıb.
Sənədin mətninə görə, əfv bu fərmanın tarixindən əvvəl törədilmiş cinayətlərə görə elan edilir.
Ağır bədən xəsarəti yetirmə cinayətlərində məhkum edilənlər istisna olmaqla, ömürlük həbs cəzaları 20 il həbs cəzası ilə əvəz olunur.
Ölümcül xəstəlikləri və 70 yaş və daha yuxarı yaşı olan məhkumlar cəzadan tamamilə azaddırlar.