OpenAI şirkəti, 100 milyard dollardan çox maliyyə vəsaiti təmin edəcəyi gözlənilən yeni maliyyələşdirmə turunun ilk mərhələsini başa çatdırmaq üzrədir.
Marja Bloomberg-ə istinadən xəbər verir ki, məsələyə yaxın mənbələr bildirir ki, bu əməliyyat şirkət tarixindəki ən böyük investisiya razılaşmalarından biri olacaq.
ChatGPT-nin inkişaf etdirən şirkət, süni intellekt infrastrukturu üçün trilyonlarla dollar xərcləməyi planlaşdırır və bu maliyyələşdirmə turu daxil olmaqla ümumi dəyərinin 850 milyard dolları aşa biləcəyi qeyd olunur. Əvvəlcədən 830 milyard dollar səviyyəsində proqnozlaşdırılan dəyərin yuxarıya reviziya edildiyi bildirilib.
Maliyyələşdirmə turunun ilk hissəsinin əsasən strateji investorlar tərəfindən təmin olunacağı gözlənilir. Bu çərçivədə Amazon, SoftBank, Nvidia və Microsoft-un yatırım etməsi proqnozlaşdırılır. Mənbələr bildirir ki, razılaşdırılan yüksək səviyyəli öhdəliklər həyata keçirilərsə, bu şirkətlərin töhfəsi 100 milyard dollara yaxınlaşa bilər. Yatırımların məbləğinin ay sonuna qədər dəqiqləşəcəyi gözlənilir.
