Qarabağ FK klubunun qapıçısı Mateuş Koxalski UEFA Çempionlar Liqasının cari mövsümündə diqqətçəkən statistik göstərici ilə yadda qalıb.
Milli.Az xəbər verir ki, polşalı qolkiper turnirin Liqa və pley-off mərhələlərində ümumilikdə 40 qurtarış edərək ən çox seyv edən qapıçılar siyahısında üçüncü pillədə qərarlaşıb.
Siyahıya Norveç təmsilçisi Bodø/Glimt komandasının qapıçısı Nikita Haykin 52 qurtarışla başçılıq edir. İkinci yerdə isə İspaniyanın Real Madrid CF klubunun əsas qapıçısı Tibo Kurtua (44 seyv) yer alıb.
Qeyd edək ki, Ağdam təmsilçisi ötən gün UEFA Çempionlar Liqası pley-off mərhələsinin ilk qarşılaşmasında İngiltərənin Newcastle United klubuna 1:6 hesabı ilə məğlub olub. Buna baxmayaraq, Koxalski turnir boyu etdiyi qurtarışlarla fərdi göstəriciləri baxımından ön sıralarda yer alır.
Hüseyn
Milli.Az
