Demokrat.az portalından verilən məlumata əsasən, ain.az bildirir.
Ramazan ayında uzunmüddətli aclıq və susuzluq düzgün planlanmadıqda yalnız bədəni yox, həm də diqqət və konsentrasiyanı zəiflədir. Gün ərzində yaşanan unutqanlıq və fokuslanma problemi çox vaxt aclıqla əlaqələndirilsə də, mütəxəssislər əsas səbəbin yanlış qidalanma vərdişləri olduğunu bildirirlər. Dietoloq Dəniz Ayşən Dəmir vurğulayır ki, Ramazan boyunca dəyişən qidalanma rejimi qan şəkərinin balansına birbaşa təsir göstərir. İftarda həddindən artıq karbonhidrat və şəkərli qidalara üstünlük verilməsi enerjini qısa müddətə artırsa da, sonradan qan şəkərinin sürətlə düşməsinə, baş ağrısı və halsızlığa yol açır.Demokrat.az xəbər verir ki, zehni fəaliyyətin aşağı düşməməsi üçün sahur və iftar seçimləri həlledici rol oynayır. Dietoloqun sözlərinə görə, sahurda yalnız ağ çörək, xəmir xörəkləri və ya şirin qidalar qəbul etmək günün erkən saatlarında enerjinin tükənməsinə səbəb olur. Bunun əvəzinə kompleks karbonhidratlar, kifayət qədər zülal və sağlam yağlardan ibarət sahur yeməyi qan şəkərini daha sabit saxlayır, diqqət müddətini uzadır.Digər mühüm məqam isə maye qəbuludur. İftar ilə sahur arasında su istehlakının az olması ertəsi gün diqqət müddətinin qısalmasına və dalğınlıq hissinin artmasına gətirib çıxarır. Aşırı kofein qəbulu isə bədəndən suyun atılmasını sürətləndirərək bu mənfi təsiri daha da gücləndirir. Eyni zamanda, iftarda ağır və qızardılmış yeməklərin yeyilməsi həzm sistemini yükləyir, bədəndəki qan axınını həzmə yönəldərək insanda süstlük və yuxu meyli yaradır. Bu da yuxu keyfiyyətini aşağı salır, növbəti gün qərar vermə və öyrənmə proseslərinə mənfi təsir edir.Kənan
Demokrat.az
Hadisənin gedişatını izləmək üçün ain.az saytında ən son yeniliklərə baxın.
