Avropa Parlamenti üzvlərinin və işçilərinin iş cihazlarında süni intellekt funksiyalarını deaktiv edib. Metbuat.az xəbər verir ki, Avropa Parlamenti məlumat təhlükəsizliyi ilə bağlı narahatlıqlar səbəbindən belə qərar qəbul edib. Məlumata görə, qurumun İT bölməsi kibertəhlükəsizlik və məlumat təhlükəsizliyinin süni intellekt ehtiva edən cihazlarda təmin edilə bilməyəcəyi qənaətinə gəlib. Süni intellektin bəzi tapşırıqları yerinə yetirmək üçün bulud xidmətlərindən istifadə etdiyi və cihazdan kənara məlumat göndərdiyi aşkar edilib. Bu araşdırmadan sonra süni intellekt funksiyaları deaktiv edilib.
