UEFA nümayəndəsi "Real"ın braziliyalı vingeri Vinisius Junior ilə "Benfika"nın hücumçusu Canluka Prestianni arasında baş verən qalmaqalla bağlı açıqlama verib.
Publika.az xəbər verir ki, qurumun açıqlamasında bildirilib:
"Hazırda dünən axşam keçirilmiş matçların rəsmi protokolları araşdırılır. Qayda pozuntuları barədə məlumatlar olduğu halda araşdırma başladılır və əgər bu, intizam sanksiyalarına səbəb olarsa, bu barədə məlumat UEFA-nın intizam komitəsinin rəsmi saytında dərc olunur.
Bu mərhələdə məsələ ilə bağlı əlavə edəcəyimiz başqa məlumat yoxdur".
Xatırladaq ki, insident Çempionlar Liqasının 1/16 final mərhələsində "Real"ın 1:0 hesablı qələbəsi ilə başa çatan matç zamanı baş verib.
