Bizimyol saytından alınan məlumata görə, ain.az bildirir.
Vermont Universiteti, Tafts Universiteti və Harvard Universitetinin Viss Bioloji Mühəndislik İnstitutunun tədqiqatçıları çoxalma qabiliyyətinə malik miniatür canlı robotlar – ksenobotlar yaradıblar.
Bizimyol.info xəbər verir ki bu barədə CNN məlumat yayıb.
Eni cəmi bir millimetrə yaxın olan ksenobotlar Afrika caynaqlı qurbağasının kök hüceyrələrindən hazırlanıb. Onlar ilkin mərhələdə hərəkət etmək, qrup halında işləmək və özlərini bərpa etmək qabiliyyətləri ilə diqqət çəkmişdilər.
İndi isə alimlər bu canlı robotlarda tamamilə yeni bioloji çoxalma forması – “kinetik replikasiya” aşkar ediblər. Bu proses zamanı kiçik hüceyrə qrupları digər hüceyrələri toplayaraq yeni ksenobotlar formalaşdırır.
Süni intellektin köməyi ilə tədqiqatçılar robotların formasını da optimallaşdırıblar. Superkompüter hüceyrələri daha səmərəli toplamaq və yeni orqanizmlər yaratmaq üçün “C” hərfinə bənzər, məşhur "Pac-Man" oyunundakı obraza oxşar dizayn təklif edib. Alimlərin sözlərinə görə, ksenobotun forması faktiki olaraq onun davranışını “proqramlaşdırır”.
Hazırda bu texnologiyanın birbaşa praktik tətbiqi olmasa da, mütəxəssislər onun regenerativ tibb, ətraf mühitin təmizlənməsi və bioloji tədqiqatlar sahəsində böyük potensiala malik olduğunu bildirirlər.
Tədqiqat müəllifləri vurğulayırlar ki, ksenobotlar laboratoriya şəraitində saxlanılır, asanlıqla parçalanır və etik mütəxəssislərin nəzarəti altındadır.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
