Qərb ölkələrindəki istifadəçilər "YouTube" video-hostinqinin işində yaranan nasazlıqdan şikayət ediblər.
Publika.az xəbər verir ki, bunu "Downdetector" monitorinq servisinin məlumatları təsdiqləyir.
Ən çox şikayət ABŞ sakinlərindən daxil olub — 320 mindən çox. Platformanın məlumatına görə, istifadəçilərin 18%-i sayta girişdə çətinliklərlə, 16%-i videonun axınlı yayımında yaranan problemlərlə bağlı məlumat verib, daha 56%-i isə mobil tətbiqin qeyri-düzgün işlədiyini qeyd edib.
Bildirilir ki, Böyük Britaniya, Almaniya, İtaliya və Fransada da "YouTube"a giriş çətinləşib. Britaniyadan nasazlıqlarla bağlı 37 mindən çox, Almaniyadan təxminən 7 min, İtaliyadan isə 5 mindən çox şikayət daxil olub.
