Arıqlamaq üçün yeni üsullar hər zaman müzakirə mövzusu olsa da, mütəxəssislər təbii vərdişlərin sağlamlığa təsirini ön plana çəkirlər. Heç bir tibbi müdaxilə olmadan 45 kiloqram çəki atan bloqer Annabella arıqlama prosesində ən çox fayda gördüyü qidalanma vərdişindən danışıb.
KONKRET.az-ın məlumatına görə Annabella bildirib ki, çəki atmağın əsas sirri hər yemək payına kahı əlavə etməkdir. O, əvvəllər salat xoşlamadığını, lakin arıqlamaq qərarı verdikdən sonra hər dəfə yemək yeyərkən mütləq kahıdan istifadə etdiyini qeyd edib. Bloqerin sözlərinə görə, zülallı qidaları kahı ilə birlikdə qəbul etmək əlavə kalori almadan toxluq hissi yaradır. Bu üsul həm pəhriz saxlamağı asanlaşdırır, həm də artıq çəkidən daha sürətlə qurtulmağa kömək edir.
Uğur hekayəsi ilə minlərlə insana nümunə olan gənc qadın psixoloji yanaşmanın da mühüm olduğunu vurğulayıb. O, “Hazırkı bədənin üçün deyil, xəyal etdiyin bədən üçün qidalan” prinsipini məsləhət görür. Annabella qeyd edir ki, sağlam vərdişlərə bu gündən başlamaq gələcəkdəki hədəfə çatmağın ən qısa yoludur.**Demokrat.az
