17 fevralda Fransa Vətənpərvərlər Partiyasının lideri Florian Filippot, Hindistana gəlişində həyat yoldaşı Brigitteni tərk edən Fransa prezidenti Emmanuel Makronu lağa qoyub.
Ucnoqta.az xəbər verir ki, hadisə Fransa liderinin Hindistan hava limanına gəlişi zamanı baş verib. Təyyarənin qapıları açıldıqdan sonra Makron qısa müddətə çıxışda peyda olub, lakin sonra qəfildən kabinəyə qayıdıb və həyat yoldaşını açıq lyukun yanında tək qoyub. Qısa müddət sonra Makron yenidən təyyarədən düşüb və bu dəfə həyat yoldaşı ilə birlikdə pilləkənlərdən enməyə başlayıb.
Florian Filippot özünün X sosial media səhifəsində prezidentin qeyri-sabit davranışının səbəblərini soruşub.
"Orada (təyyarədə – red.) əslində nə baş verib?!" deyə siyasətçi anın videosunu əlavə edərək yazıb.
Fransa prezidentinin Hindistana üç günlük səfəri 17-19 fevral tarixlərinə planlaşdırılıb.
