"Ayaks"ın ukraynalı müdafiəçisi Aleksandr Zinçenko ciddi zədələnib.
Fanat.Az xəbər verir ki, futbolçu həftəsonu "Fortuna" ilə oyunun əvvəlində sıradan çıxıb.
Niderland klubu rəsmi saytında müdafiəçinin durumu ilə bağlı açıqlama yayıb. Müayinə zamanı dizindən aldığı zədəyə görə cərrahi əməliyyat tələb olunduğu aşkarlanıb. Zinçenko tezliklə əməliyyat olunacaq. "Ayaks" 29 yaşlı futbolçunun sağalması üçün dəqiq müddət açıqlamayıb. Lakin açıqlamada sağalma prosesinin uzun çəkəcəyi və Zinçenko üçün mövsümün başa çatdığı vurğulanıb.
Bu cür xəsarətlərdən sağalma adətən ən azı altı ay çəkir.
